Жарандарды кабыл алуу

Кыргыз Республикасынын Президентинин Ош облусундагы ыйгарым укуктуу өкүлүнүн орун басары Илияз Ташбаев Ош облусунун тургундарын кабыл алды.

Жолугушууда тургундар өздөрүнүн көйгөйлөрүн айтып жана суроолоруна жооп алышты. Анда саламаттыкты сактоо, жер, турак-жай, жайыт, ишкердикти колдоо жана башка социалдык маанилүү маселелер айтылды.

Жарандар тарабынан айтылган ар бир көйгөйдү онлайн катышкан айыл өкмөт, акимдерге түз тапшырма берип, жарандарды убара кылбоого чакырды.

Ошондой эле жергиликтүү бийлик өкүлдөрү калк менен тыгыз байланышта болуу маанилүүлүгүн белгилеп, тургундардын көйгөйлөрүн чечүү КР Президентинин Ош облусундагы ыйгарым укуктуу өкүлүнүн ишинин приоритеттүү багыттарынын бири экенин баса белгиленди.