12-сентябрьда, Алай районунун Калама жайлоосунда өтүп жаткан Алымбек датка Асанбий уулунун 225 жылдык мааракесине карата өзгөчө салтанаттуу учур болду.
Ош облусунун социалдык-экономикалык өнүгүүсүнө кошкон салымы жана көп жылдык үзүрлүү эмгеги үчүн жети жаранга “Ош облусунун ардактуу атуулу” наамы ыйгарылды.
Ардактуу наамга ээ болгондор:
- Сүйүнбек Касмамбетов — мурдагы Мамлекеттик катчы
- Нурбек Алимбеков — Жогорку Кеңештин депутаты
- Түгөлбай Казаков — Кыргыз Республикасынын Эл артисти
- Аккулу Бердиев — Жогорку Кеңештин депутаты
- Динара Ашимова — Жогорку Кеңештин депутаты
- Жанарбек Акаев — Жогорку Кеңештин депутаты
- Асанбек Тороев — жеке ишкер
- Молдошбай Тилебалдыев – ардагер
Наамдарды Кыргыз Республикасынын Президентинин Ош облусундагы ыйгарым укуктуу өкүлү Эльчибек Джантаев тапшырды. Ал ардактуу атуулдарды куттуктап, эл-жер үчүн жасаган кызматтары үчүн терең ыраазычылык билдирди.
