Президенттин Ош облусундагы ыйгарым укуктуу өкүлүнүн чоң жыйындар залында облус башчысы Эльчибек Джантаевдин жетекчилиги алдында атайын жыйын болуп өттү.
Иш-чарага өкүлдүн орун басарлары, укук коргоо органдарынын жетекчилери, облустагы мамлекеттик мекеме-ишканалардын жетекчилери жана район акимдери катышты.
Жыйында Өзгөн шаарынын борбордук стадионунун салтанаттуу ачылышына жана Өзгөн–Мырзаке–Кара-Кулжа унаа жолун пайдаланууга берүү иш-чараларына даярдык, ошондой эле Эгемендүүлүк майрамына карата пайдаланууга берилчү объекттер жана Алайда белгилене турган Алымбек датканын 225 жылдыгына даярдыктар талкууланды.
Облус башчысы Эльчибек Джантаев күн тартибиндеги ар бир маселеге өзүнчө токтолуп, тиешелүү мамлекеттик органдар менен мекеме-ишканалардын жетекчилеринен маалымат угуп, так тапшырмаларды берди. Ал жетекчилерге иштерди күчөтүп, көтөрүлгөн маселелерди ыкчам чечүүнү жана жоопкерчиликтүү иш алып барууну тапшырды
