25-декабрь — жаңы жыл алдында, Ош облусунда маанай көтөргөн жакшы жаңылыктар болду. IV Элдик курултайдын биринчи күнүндө Кыргыз Республикасынын Президенти Садыр Жапаровдун катышуусунда облуста 15 социалдык жана 3 өндүрүш багытындагы объект онлайн форматта ачылып, пайдаланууга берилди.
⸻
Өндүрүш багытындагы объекттер
1. Курак-Тектир-2 кичи ГЭСи
Ноокат районунун Гулистан айыл аймагынын Чоң-Кыштоо айылынын Алдыке участкасында жайгашкан.
Долбоордун болжолдуу наркы — 88,0 млн сом.
Толук кубаттуулугу — 1 200 кВт.
• I этапта — 600 кВт
• II этапта — кошумча 600 кВт ишке берилди.
2. Чоң-Алай районунун Дароот-Коргон айыл аймагында муниципалдык мал соючу жай жаңыдан курулду.
Долбоордун жалпы наркы — 24, 8 млн сом. Кубаттуулугу — күнүнө 8-10 баш мал союуга ылайыкталган.
3. Эт жана сүт азыктарын кайра иштетүүчү “Жети Баатыр” заводу
Аталган завод Кара-Суу районун Манас айыл аймагында жайгашкан.
Инвестициянын суммасы — 1 млн 400 миң АКШ доллары (өздүк каражаттар).
Өндүрүштүк мүмкүнчүлүгү:
• Эт азыктары — 180 000 тонна
• Балмуздак — 1 800 тонна
• Сүт азыктары — 3 600 тонна
Ишканада 400гө жакын жумуш орду түзүлөт.
⸻
Социалдык багыттагы объекттер
Өзгөн району
1. “Азада-Апа” бала бакчасы
Кызыл-Октябрь айыл аймагынын Алга айылында жайгашкан, 120 орундуу.
Долбоордун наркы — 77 млн 910,1 миң сом, республикалык бюджеттен каржыланган. Курулуш 2024-жылы башталып, толук бүткөрүлдү.
2. Баш-Дөбө айыл аймагынын Кеңеш айылында жайгашкан, 60 орундуу бала бакча. Подрядчы — ЖЧК «Алтрейд».
Долбоордун баасы — 46 млн 342,7 миң сом, республикалык бюджеттен каржыланган.
⸻
Ноокат району
3. Акматали Сыранов атындагы орто мектеп. Билим берүү мекемеси Көк-Жар айыл аймагынын Он Эки Мойнок айылында жайгашып, жалпы 275 орунга ылайыкталган. Долбоордун наркы — 133 млн сомдон ашык. Курулуш 2023-жылдын IV кварталында башталып, толук аяктады.
4. Кара-Кокту орто мектеби.
А. Мирмахмудов айыл аймагынын Кара-Кокту айылында, 150 орундуу билим уясы. Долбоордун наркы — 92 млн 460 миң сом. Курулуш 2024-жылдын май айында башталып, толук бүттү.
5. “Раяна” мектепке чейинки мекемеси.
Н. Исанов айыл аймагынын Жар-Коргон айылында жайгашкан 120 орундуу балдар бакчасы. Жеке инвестор тарабынан курулуп, долбоордун баасы — 60 млн сом.
6. Герейт-Шорон орто мектеби
Төөлөс айыл аймагында жайгашкан, 225 орундуу. Курулушка 74 млн 931 миң сом сарпталган.
⸻
Кара-Кулжа району
7. “Парчабу эне” бала бакчасы
Биймырза айылында жайгашкан, 120 орундуу. Долбоордун наркы — 70 млн 246,5 миң сом.
⸻
Кара-Суу району
8. №133 Кайрагач орто мектеби
Ала-Тоо айыл аймагында жайгашкан, 275 орундуу. Курулуш 2015-жылы башталып, толук аяктады.
Жалпы наркы — 105 млн 495 миң сомдон ашык.
9. Т. Шериев атындагы орто мектеп
Папан айыл аймагынын Андагул айылында жайгашкан, 150 орундуу.
Долбоордун баасы — 104 млн сом.
Курулуш 2024-жылы башталып, толук бүткөрүлдү.
10. Ленин атындагы кошумча окуу корпусу Кара-Суу шаарында жайгашкан, 450 орундуу.
Республикалык бюджеттен каржыланып, 107 млн сом сарпталган.
11. Отуз-Адыр айылындагы бала бакча
120 орундуу, долбоордун наркы — 53 млн 350 миң сом.
⸻
Алай району
12. Жерге-Тал айылындагы спорт залы
Үч-Дөбө-Алай айыл аймагында курулган.
Курулушка 23 млн 374,2 миң сом жумшалган.
13. Аскалы айылындагы орто мектеп
М. Акматов атындагы, 100 орундуу (спорт залы жок). Курулуш 2024-жылы башталып, 42 млн 638,9 миң сом сарпталган.
14. “Гүлбурак” бала бакчасы
Сары-Могол айылында жайгашкан, 140 орундуу. Долбоор 2023-жылы башталып, 86 млн 950 миң сом каражат сарпталган.
15. Тогуз-Булак айылындагы спорт залы. №29 Келдибай Тайчабаров атындагы орто мектептин спорт залы.
Курулуштун жалпы наркы — 20 млн сом.
