Коррупцияга каршы аракеттенүүнү күчөтүү, мамлекеттик жана жергиликтүү өз алдынча башкаруу органдары тарабынан коррупциянын алдын алуунун натыйжалуу механизмдерин колдону жана облуста коррупцияны минималдаштыруу боюнча туруктуу натыйжаларга жетүүгө багытталган чаралардын комплексин системалуу негизде ишке ашыруу максатында буйрук кылам:

1. Кыргыз Республикасынын Президентинин 2024-жылдын 5-июнундагы №137 “2025-2030-жылдарга Кыргыз Республикасында коррупцияга каршы аракеттенүү боюнча мамлекеттик стратегия жөнүндөгү” Жарлыгы аткарууга алынсын.
2. 2025-2030-жылдарга коррупцияга каршы аракеттенүү боюнча мамлекеттик стратегияны ишке ашыруу боюнча иш-чаралар планы тиркемеге ылайык бекитилсин.
3. Райондук мамлекеттик администрациялар, жергиликтүү өз алдынча башкаруу жана мамлекеттик органдар:
   • иш-чаралар планын белигиленген мөөнөттө аткаруу боюнча зарыл чараларды көрсүн;
   • квартал сайын отчеттук мезгилден кийинки айдын 5ине чейин Кыргыз Республикасынын Президентинин Ош облусундагы ыйгарым укуктуу өкүлүнүн аппаратынын укук коргоо ишин координациялоо, кырдаалдык талдоо жана чара көрүү бөлүмүнө иш-чаралар планын аткаруунун жүрүшү жөнүндө маалыматты берип турсун.
4. Бул буйруктун аткарылышын көзөмөлдөө Кыргыз Республикасынын Президентинин Ош облусундагы ыйгарым укуктуу өкүлүнүн биринчи орун басары К.Г.Айтибаевге жүктөлсүн.